يلا نشوف الرؤية جميلة

ويا رسالة زى خميلة

بتضلل على كل الناس

رؤية إيه؟ تعالا أقول لك

بس بعقلك تبقى معايا

مش عقلك بس لأ والإحساس

حس الكلمة اللى راح أقولها

إياك تسمع كده وخلاص

رؤية تخلى الجيل يتقدم

فى التعليم وكمان يتعلم

من نفسه إزاى يتعلم

تعليم ذاتى يبقى أساس

فى ايديه يبقى زى الفاس

بيواجه كل اللى انداس

من أحلامنا الغالية علينا

ويساير كل اللى بيحصل

من تطوير تكنولوجى بينفع

بيه يبقى مرفوع الراس

دى رؤيتنا وبنعلنها

ف كل مكان لجميع الناس

وسيبك م اللى يقول .دا كلام

ده إنسان محتاج إنسان

علشان يفهم معنى الرؤية

اللى بتتصور أدامنا

زى ورداية ف غصن البان

فيها إيه لو بنحاول مرة؟

ومرة ومرة ومرة كمان؟؟

مرة بنغلط وبنتعلم من أخطائنا

ومرة بنوصل حبة شوية

ومرة هننجح وهنتقدم

كله من فضل الرحمن

هو دا فاكر إن اللى اتقدم محاولش؟؟

وإنه اتعلم من أخطاؤه؟؟

وصمم ينجح؟؟ … لا مفتكرش

ده إنسان نايم متكاسل

مش بيفكر غير ف القرش

مش بيفكر ف الأجيال

اللى بتحلم عهد جديد

مبنى على الإخلاص مش غش

دى رؤيتنا .. ولو حبيت تسمع رسالتنا

اسمع تانى .. متترددش

هى رسالة بجد عظيمة

لما هتعرف إنها فيها

أهداف فعلاً جد سليمة

هى رسالة عاوزة تعد

الطلاب … ف داخلها تهد

كل اللى بيمنع ويسد

التطوير .. وتنمى بجد

طلاب بيحسوا التعليم

متعة مفيهوش التلقين

تعليم بيقدم مهارات

ويا معارف بتخليهم

طلاب معتزين بالذات

أنشطة هادفة ف كل مجال

بنقدمها ويا كمان

سلوكيات عال العال

والمدرسة هتكون إمتاع

للطلاب مش حلم وضاع

ده علشان المدرسة عاملة

من كل ال ده الجودة الشاملة

تانى بقولك … إياك تسمع

للى يقولك .. كله كلام

سيبك منه خليه عايش ف الأوهام

وإحنا نحاول مرة ومرة ومرة كمان

خلينا كلنا كده إيد واحدة

علشان ننفع كل ولادنا

علشان يبقى فينا بجد

إنسان بيحب الإنسان







[b][i]